"Тоттенхэм" президенти Даниэль Леви амалдаги чемпион "Ман Сити"нинг "шпорлар" ҳужумчиси Харри Кейнни 171 миллион долларга сотиб олиш ҳақидаги таклифини рад этиб, "шаҳарликлар" расмийлари қўнғироқларига жавоб беришни тўхтатди, деб хабар беради Daily Telegraph нашри.
Аввалроқ, Манчестер клуби форвард учун 171 миллион доллар тўлашга тайёр экани хабар қилинганди, аммо "Тоттенхем" бу талабни рад этди. Леви жорий трансфер ойнасида Кейн билан хайрлашмоқчи эмас.
Кейн "Тоттенхем" тарбияланувчиси, 2011 йилда "шпорлар" сафида дебют қилган. Унинг клуб билан шартномаси 2024 йилгача тузилган. Ўтган мавсумда 28 ёшли ҳужумчи Англия Премьер-лигасида 35 ўйин ўтказди, 23 гол урди (тўрттаси пенальтидан) ва 14 голли узатмани амалга оширди.
"Тоттенхем" АПЛ 2021/2022 йилги мавсумининг биринчи турида "Манчестер Сити"ни 1:0 ҳисобида мағлуб этди. Ягона муаллифи Сонг Хинг Мин бўлди.