«Реал» яримҳимоячиси Иско фаолиятини Италия чемпионатида давом эттириши мумкин, деб хабар беради Mundo Deportivo. Малум бўлишича, футболчига «Милан» қизиқиш билдирмоқда.
Исконинг «Реал» билан шартномаси 2022 йилнинг июнигача амал қилади, шунинг учун Мадрид клуби бу мавсумнинг ўзидаёқ футболчини пуллаб қолмоқчи.
Манбага кўра, «қаймоқранглилар» испанни 20 миллион еврога сотишга тайёр. «Милан» яримҳимоячи атрофидаги вазиятни кузатмоқда, аммо улар бу суммани тўлашга тайёр эмас.
Эслатиб ўтамиз, Иско 2014 йилда «Малага»дан 30 миллион евро эвазига «Реал»га кўчиб ўтган эди.
