Англия Премьер-лигасининг янги иштирокчиси «Уотфорд» тез орада туркиялик яримҳимоячи Озан Туфаннинг трансферини эълон қилади.
Журналист Фабрицио Романо бу трансфер ҳақида ўзининг твиттердаги саҳифасида ёзган. Берилган маълумотларга кўра, футболчи ва жамоа раҳбарияти барча керакли бандларга имзо чекишган.
Туркиялик яримҳимоячи «Уотфорд»га ижара асосида ўтмоқда ва агар мавсум охирида клуб элитада қолса, жамоа 26 ёшли футболчини сотиб олиши мумкин бўлади.
Туркия Суперлигасида Туфан 37 та ўйинда майдонга тушиб, 6 та гол ва 10 та голли узатмани амалга оширган.
