Angliya Premyer-ligasining yangi ishtirokchisi «Uotford» tez orada turkiyalik yarimhimoyachi Ozan Tufanning transferini e’lon qiladi.

Jurnalist Fabrisio Romano bu transfer haqida o‘zining tvitterdagi sahifasida yozgan. Berilgan ma’lumotlarga ko‘ra, futbolchi va jamoa rahbariyati barcha kerakli bandlarga imzo chekishgan.

Turkiyalik yarimhimoyachi «Uotford»ga ijara asosida o‘tmoqda va agar mavsum oxirida klub elitada qolsa, jamoa 26 yoshli futbolchini sotib olishi mumkin bo‘ladi.

Turkiya Superligasida Tufan 37 ta o‘yinda maydonga tushib, 6 ta gol va 10 ta golli uzatmani amalga oshirgan.