Британия матбуоти хабарига кўра, «Манчестер Сити» Эмерик Ляпортни жамоада сақлаб қолиш ниятида эмас.

Испаниялик футболчининг таркибдаги позицияси ўтган мавсумда анча пасайиб кетганди. Энди у марказий ҳимоячи сифатида учинчи ёки тўртинчи танловга айланади.

«Манчестер Сити» футболчини 60 миллион фунт эвазига қўйиб юборишга тайёр. Ҳатто грандлар ҳам бундай катта пул тўлашга журъат этмаслиги эҳтимоли катта.

Даъвогарлар орасида «Реал» ва «Ювентус» номи бор. «Сити» Ляпортни сотишдан тушган пулни Харри Кейннинг трансферига қўшишни кутмоқда.

2018 йилда «шаҳарликлар» ҳимоячини 57 млн фунтга сотиб олишди.