«Милан» яримҳимоячи Никола Влашичнинг трансфери борасида ҳали ҳам ЦСКА билан муросага кела олгани йўқ.
Бу ҳақда журналист Даниеле Лонго хабар берди.
ЦСКА бу борада ўз позициясини ўзгартирмайди. «Армиячилар» раҳбарлари Влашични 10 миллион еврога ижарага беришга тайёр, шунингдек, шартномада 20 миллион эвазига сотиб олиш ҳуқуқи ҳам мавжуд. Бироқ «Милан» шартноманинг бу шартларидан мамнун эмас.
Россия Премьер-лигаси янги мавсум стартида Влашич учта ўйинда майдонга тушди. Хорватиялик легионер бу орада битта самарали пасни ўз ҳисобига ёзиб қўйди.
