"Реал" бош мураббийи Карло Анчелоттининг фикрича, ечиниш хонасида "ПСЖ" ҳужумчиси Килиан Мбаппенинг трансферини муҳокама қилиш маъносиз.
"Билмадим, трансфер ойнаси ёпилишидан олдин нима бўлишининг аҳамияти йўқ. Бизда яхши ва кучли таркиб бор. Мен улар билан ишлашим мумкинлигидан хурсандман.
Табиийки, ечиниш хонасида трансферлар муҳокама қилинмайди. Гап бўлажак учрашувлар ҳақида кетмоқда, жамоамиз ўйинларга тайёргарлик кўриш, яхши муҳит яратиш ҳақида ўйламоқда", - дея Анчелоттининг сўзларини келтиради ESPN нашри.
Аввалроқ, "Реал" Мбаппени август ойи охиригача сотиб олиши мумкинлиги ҳақида хабар берилганди.
