"Челси" бош мураббийи Андре Виллаш-Боаш, шанба куни бўлиб ўтадиган "Бирменгем"га қарши ўйин олдидан, журналистларга якшанба куни клубда бўлиб ўтган мажлис ҳақаида сўзлаб берди. Сўнги ватларда танқидлар ёмғири остида қолган португалиялик мутахассиснинг сўзларига кўра, айни вақтда мураббийлар штаби ҳам, футболчилар ҳам натижага нисбатан жавобгарликни яхши ҳис қилиб туришибди.
"Якшанба куни клуб ҳодимлари ва футболчилар иштирокидаги навбатдаги мажлис бўлиб ўтди. Ҳеч қандай драматик ҳодисалар юз бергани йўқ. Ҳаммамиз ҳам ҳозиргидан кўра анча яхши ўйин намойиш қилишимиз ва бутунлай бошқача натижаларга эришишимиз мумкин эканлигини тушуниб турибмиз. Умуман олганда, натижага фақатгина мураббийлар штаби эмас, балки футболчилар ҳам бирдек жавобгардир", — дея унинг сўзларидан AP нашри иқтибос келтиради.
