"Барселона" ҳимоячиси Хорди Альба Каталония клубидаги маошини камайтиришга рози бўлди, деб хабар беради AS. Манбага кўра, испанияликнинг маоши 25 фоизга камаяди.
Аввалроқ, "Барселона"нинг яна бир ҳимоячиси Жерар Пике ҳам худди шундай қадам
ташлаган эди, у ҳам каталонияликлар Ла Лиганинг янги мавсумига янги келганларни рўйхатга киритиш учун маошни қисқартиришга рози бўлган. Ярим ҳимоячи Сержи Робертонинг айтишича, бошқа жамоа сардорлари ҳам шунга амал қилишади.
Эслатиб ўтамиз, футболчиларнинг ойлик маоши баландлиги сабабли "Барселона" янги футболчиларни рўйхатдан ўтказа олмайди. Клуб маошни пасайтириш учун ҳимоячи Самуэль Юмтити ва ярим ҳимоячи Миралем Пьянич билан хайрлашмоқчи.
