«Вулверхемптон Вондерерс» клуби Чемпионшип вакили «Кардифф Сити»дан Кеффер Мур трансферини амалга ошириши мумкин. АПЛ клуби трансфер ойнасининг сўнгги ҳафтасида марказий ҳужумчи учун вариантлар қидирмоқда.
Хабарда келтирилишича, «бўрилар» футболчи учун 7 миллион фунт атрофида таклиф киритиш арафасида турибди. 29 ёшли Мур футболчи «Кардифф» сафига 2020 йил августда 2 миллион фунт эвазига «Уиган Атлетик»дан келиб қўшилган эди.
У ўтган йили Чемпионшипда 42 та учрашув ўтказиб, 20 та гол ва 2 та ассист ижрочисига айланган эди.
