Италиянинг "Ювентус" клуби "Сассуоло"нинг 21 ёшли ҳужумчиси Жакомо Распадорига кўз тикмоқда.
"Ювентус" "Манчестер Сити"га ўтишга яқин турган Криштиану Роналдунинг ўрнига муносиб ўринбосар қидиришда давом этмоқда. Энди туринликлар таркибида жуда кўп ўзгаришлар бўлиши мумкин.
Transfermarketweb нашри хабарига кўра, "кекса синьора" "Сассуоло" ҳужумчиси ва Италия терма жамоаси футболчиси Жакомо Распадори билан шартнома имзолаш имкониятини кўриб чиқмоқчи.
Ҳужумкор футболчини "Айнтрахт" ва "Милан" клубларининг ҳам радарига тушган, бироқ туринликларнинг иқтидорли футболчини сотиб олиш имконияти анча юқори.
Эслатиб ўтамиз, Распадори А Сериянинг биринчи турда "Верона" дарвозасига битта гол уришга эришган.