Туриннинг «Ювентус» клуби бош мураббийи Массимилиано Аллегри Криштиану Роналду нима учун жамоани тарк этаётганини тушунтирди.

Эслатиб ўтамиз, аввалроқ футболчи «Манчестер Сити» сафига қўшилиши маълум бўлган эди.

«Мен у билан кеча гаплашдим, у менга жамоамизда ўйнашни давом эттириш истаги йўқлигини айтди. Шунинг учун, у эртага машғулотларда қатнашмайди. Энди «Эмполи» билан бўладиган ўйин ҳақида гапирсам бўлар», - дейди Аллегри бугунги матбуот анжуманида.

Маълумот учун, Криштиану Роналду туринликлар билан уч мавсумни ўтказди. У Италия А Серияси доирасида клуби сафида 81 та гол урди.