Ҳужумчи Криштиану Роналдунинг "Манчестер Юнайтед"га қайтиши "қизил иблислар"га қанча тушганлиги маълум бўлди.
"Манчестер Юнайтед" 36 ёшли португалиялик футболчи учун "Ювентус"га 15 миллион евро тўлайди, яна 8 миллиони бонус кўринишида берилади, дейди инсайдер Фабрицио Романо.
"Ювентус"га 20 миллион евро атрофида кафолат пули берилади, чунки бонусларнинг бир қисмини олиш осон бўлади.
Эслатиб ўтамиз, Роналду 2003 йилдан 2009 йилгача "Манчестер Юнайтед" да ўйнаган. У ердан "Реал Мадрид"га (2009-2018), кейин "Ювентус" га ўтди.
"Манчестер Юнайтед" аъзоси сифатида Криштиану уч марта Англия чемпионлигини, икки марта Англия Лига Кубогини ва бир марта мамлакат кубогини қўлга киритди. 2008 йилда португал "Юнайтед" билан биргаликда Чемпионлар лигаси ва клублар ўртасидаги жаҳон чемпионатида ғолиб бўлишди.
