Англиянинг "Эвертон" клуби Португалиянинг "Порту" клуби билан ярим ҳимоячи Луис Диашнинг трансфери борасида музокара олиб бормоқда. Бу ҳақда The Telegraph нашри хабар бермоқда.
Манбага кўра, "ирислар" 24 ёшли Колумбия терма жамоаси футболчиси учун ватандоши 30 ёшли ярим ҳимоячи Хамес Родригесни таклиф қилмоқчи.
Хамес ўтган йилнинг сентябр ойида "Эвертон"га кўчиб ўтди ва бундан олдин "Реал", "Бавария", "Монако", "Порту", "Банфилд" ва "Энвигадо" клубларининг шарафини ҳимоя қилган. У 2011 йилдан Колумбия терма жамоасига чақирилган. Ўтган мавсумда ярим ҳимоячи Премьер-лиганинг 23 ўйинида қатнашди ва 6 гол урди ва 4 голга узатма берди.
Луис Диас "Порту"га 2019 йилда келиб қўшилган. У илгари Колумбиянинг "Барранкилья" ва "Атлетико Жуниор" клубларида ўйнаган.
