«Лидс Юнайтед» клуби келажаги Виржил ван Дейкка қиёсланган ёш ҳимоячи билан шартнома имзолади. Бу ҳақда клуб расмий сайтида маълум қилинди.
Унда шундай дейилади: «Лидс Шотландия чемпионати вакили »Селтик«дан Лео Ҳелде трансферини эълон қилади. Ҳелде бу ҳафта 18 ёшини нишонлади. У клуб билан 2025 йилда якунига етувчи, 4 йиллик шартномага имзо чекди».
Норвегиялик футболчи собиқ «Ноттингем Форест» клуби ҳимоячиси Жон Ҳелденинг ўғли ҳисобланади. У «Лидс»нинг 23 ёшгача бўлган жамоасида фаолият олиб боради. Ушбу харид клубнинг ёздаги еттинчи трансфери бўлди.
