Мерсисайд ва Лондон клублари ўртасидаги баҳс «Энфилд» стадионида ўтказилади.
«Ливерпуль» ва «Челси» жамоалари ўртасидаги баҳс олдидан қизиқарли маълумотларни тақдим этамиз.
Диогу Жота бугунги ўйинда гол урса, «Челси»га қарши илк 3 АПЛ баҳсида гол киритган мерсисайдликлар сафида тўртинчи футболчига айланиши мумкин. Бунга қадар Робби Фаулер (1994/95), Даниел Старриж (2013/14) ҳамда Садио Мане (2017/18) ушбу ишларни уддалашган.
«Ливерпуль» «Челси»га қарши охирги 13 Премьер-Лига беллашувида икки марта ютқазиб қўйган (6 ғалаба, 5 дуранг). Мағлубиятлардан бири шу йилнинг март ойида кузатилган эди.
Фақатгина МЮ «Ливерпуль» майдонида «Челси»дан (7) кўпроқ ғалабага эришган — 12.
Ромелу Лукаку АПЛ доирасидаги «Ливерпуль»га қарши илк 4 ўйинда шунча гол киритган бўлсада, охирги 11 баҳсда «қизиллар» дарвозасини фақатгина 1 бор ишғол қилган.
Баҳс расмийлари
Бош ҳакам: Энтони Тейлор
Қанот ҳакамлари: Гери Бесвик, Адам Нунн
Захира ҳаками: Крейг Поусон
ВАР: Крис Каванаг
ВАР ёрдамчиси: Шон Месси-Эллис
Тахминий таркиблар
Ливерпуль - Алиссон, Арнолд, Матип, ван Дейк, Робертсон, Кейта, Ҳендерсон, Фабиньо, Мане, Жота, Салаҳ
Челси - Менди, Аспиликуэта, Кристенсен, Рюдигер, Алонсо, Жеймс, Канте, Жоржинё, Маунт, Ҳавертс, Лукаку.
Йўқотишлар
«Ливерпуль» сафида Жеймс Милнер (сўроқ остида) ва Куртис Жонс жароҳатлари боис майдонга туша олишмайди.
«Аристократлар»да эса Рубен Лофтус-Чик ва Кристиан Пулишич бошқа сабабларга кўра «Ливерпуль»га қарши ўйинда қатнаша олишмайди.
Рақамлар
«Ливерпуль» АПЛнинг охирги 7 ўйинида ғалаба қозонган.
«Ливерпуль» АПЛ доирасидаги сўнгги 7 беллашувда камида иккитадан гол уришга эришган.
«Ливерпуль» Премьер-Лигада охирги 4 учрашувда "қуруқ ўйин" ўтказган ва дарвозасидан бирорта тўп олиб чиқмаган.
«Ливерпуль» АПЛдаги охирги 7 баҳснинг олтитасида ҳам биринчи бўлим ҳам тўлиқ ўйинда ғалаба қозониб келмоқда.
«Челси» АПЛда охирги 10 беллашувнинг тўққизтасида мағлубиятга учрамаган.
Жамоалар АПЛда ўзаро 58 марта учрашишган. Шулардан 23 баҳсда «Ливерпуль» ғалаба қозонган, 21тасида «Челси» устун келган ва 14 ўйинда ғолиб номи аниқланмаган.
Эслатиб ўтамиз, «Ливерпуль» - «Челси» ўйини бугун Тошкент вақти билан 21:30да бошланади.
