Тошкентдаги «Чилонзор» сунъий қопламали стадионида «Олмалиқ» ва «Пахтакор» жамоалари  ўзаро назорат учрашувини ўтказиб 1:1 ҳисобида дурангга рози бўлишди. Бу ҳақда «Пахтакор» клуби расмий сайти хабар бермоқда.

«Учрашувда тўп билан назорат қилиш борасидаги устунлик «пахтакорчилар» тарафида бўлди, лекин яратилган вазиятлардан фойдаланиш борасида камчиликлар учраб тургани яққол кўзга ташланди. «Олмалиқ» эса ҳимоявий пландаги ҳаракатларда жуда яхши ҳаракат қилганини таъкидлаш жоиз», деб ёзилади клуб расмий сайтидаги хабарда.

Учрашувнинг биринчи бўлимида дастлаб, чиройли комбинацияни Шарофетдинов самарали якунлади. У Махарадзенинг тўп оширишини чиройли тарзда ниҳоясига етказди. Лекин иккинчи бўлимда олмалиқликлар футболчиси узоқ масофадан аниқ зарба бериб, дарвозанинг юқори бурчагини нишонга олди. Шу тариқа баҳс 1:1 ҳисобда якунланди.

«ПАХТАКОР» — «ОЛМАЛИҚ» 1:1 (1:0)
Гол: Шарофетдинов  43.

«Пахтакор»:  Лобанов, Шибамура (Ўрунов, 83), Николаев, Клецков, Холмуҳаммедов, Шарофетдинов (Маҳмудов, 72), Махарадзе, Андреев (Азизов, 65), Ораховац (Шихов, 78), Тожиев, Эркинов (Ваҳобов, 46).