«Манчестер Юнайтед» ва Англия терма жамоаси собиқ ҳужумчиси Уэйн Руни Криштиану Роналдунинг «қизил иблислар» лагерига қайтиши ҳақида ўз фикрлари билан ўртоқлашди.
«Оле-Гуннар Сульшер энди футболчиларни ҳисобга олган ҳолда катта совринларни ютиши мумкин.
Роналду ҳалиям дунёнинг энг яхши футболчиларидан бири бўлиб қолмоқда. Унинг "Манчестер Сити"га ўтиши амалга ошмаслигини ҳис қилгандим.
Унинг агенти ўз ишини яхши билади. Агар Криштиану бир дақиқага "Сити"га ўтиб кетса, "Юнайтед" бунга аралашиши табиий эди.
Роналду ўзи ўйнаган ҳар бир мамлакат чемпионлигини қўлга киритди, Англияда чемпион бўлиш у учун муҳим бўлади.
Мен уни марказий ҳужумчи сифатида ишлатган бўлардим. Криштиану ҳали ҳам энг яхши бўлишни хоҳлайди ва ишонаманки, у бу мавсум "Манчестер Юнайтед"га катта таъсир кўрсатади», - деди Руни.
