Тошкентнинг ”Бунёдкор” клубининг Чемпионлар лигаси гуруҳ босқичидаги барча рақиблари аниқланди. Бу номга сўнгги бўлиб Жанубия Корянинг “Поханг Стилерс” жамоаси эришишга муваффақ бўлди.

Жанубий Кореянинг Похан шаҳрида бўлиб ўтган “Поханг Стилерс” ҳамда Таиланднинг “Чонбури” клублари “Е” гуруҳининг сўнгги иштирокчиси номига ойдинлик киритиб беришди.

Учрашув кореяликларнинг устунлиги остида ўтди ва “Поханг Стилерс” аъзолари 2:0 ҳисобида ғалаба қозонишди. Ўйиннинг 29-дақиқасида Чжин Сунг Хванг ҳисобни очган бўлса, 79-дақиқада Сёнг Хо Парк томонидан киритилган гол похангликларга Чемпионлар лигаси гуруҳ босқичи эшикларини очди.

Кутилганидек, “Е” гуруҳига қитъамизнинг номдор жамоалари тўпланишди. 2008 йилги ОЧЛ ғолиби - “Гамба Осака”, финалчи - “Аделаида Юнайтед”, ярим финалчи - “Бунёдкор” ва 2009 йилги ғолиб - “Поханг Стилерз”.

6 март куни “Бунёдкор” Австралиянинг “Аделаида Юнайтед” клубини қабул қилса, шу куни Японияда “Гамба Осака” ва “Поханг Стилерc” клублари рўбарў келшади.

ПОХАНГ СТИЛЕРС (Жанубий Корея)- ЧОНБУРИ (Таиланд) – 2:0 (1:0).
Голлар: Чжин Сунг Хванг (29), Парк Сёнг Хо (70).

ПОХАНГ: Шин Хва Ёнг, Рендулич, Гванг Сёк Ким, Тэ Су Ким, Кванг Шин Хун, Чжин Сунг Хванг, Шин Хюнг Мин, Дэ Хо Ким, Зику (Но Бюнг Чжин, 58), Парк Сёнг Хо (Ким Чжин Рёнг, 72), Асамоа (Чо Чанг Хо, 83).

ЧОНБУРИ: Хатайраттанакул, Самана (Сриярингем, 71), Пук Хум, Бенгали, Китпонгсри, Думенг, Сре Сукха, Тердсак Чайман, Йантакам (Он-Мо, 39), Кушида, Людовик (Качаплаюк, 80).