«Челси»нинг талантли футболчиси Калум Ҳадсон-Адойга АПЛ клуби қизиқа бошлади. Хабарларга кўра, «Лестер Сити» клуби 20 ёшли инглиз трансферига шайланган.

Улар охирги кунда ҳужумчини ижарага олишга улгуриши мумкин. Адой янги мавсумда клубининг фойдаланмайдиган заҳирасига айланиб қолди. У ҳеч қайси турда заҳирадан бўлса ҳам майдонга туширилмаган.

Жамоа устози Томас Тухель ёш истеъдодни клубда олиб қолмоқчи эканини айтган эди. Аммо уни ижарага бериш, футболчи учун фойдалироқ бўлиши мумкин.

Аввалроқ Бундеслига гиганти «Боруссия Д» клуби Ҳадсон -Адой учун таклиф билан чиқиши мумкинлиги ҳақида хабар қилинган эди.