"Манчестер Юнайтед" ҳужумчиси Криштиану Роналду ўзига рақам танлади.
У янги мавсумда "МЮ" сафида 7-рақамли футболкада ўйнайдиган бўлди. Аслида бу рақам Эдинсон Каванига тегишли эди. Криштиану 2003-2009 йилларда "Юнайтед"даги фаолиятида ҳам ушбу рақамда тўп тепган эди.
Роналду, шунингдек, "Реал", Ювентус" клублари ва Португалия терма жамоасида ҳам айнан ушбу рақамни ҳеч кимга бермаган.
Португалиялик футболчи ушбу рақамни бергани учун Каванига миннатдорчилик билдирди:
"Яна "Манчестер Юнайтед"да ушбу рақамни олишимга ишончим комил эмас эди. Шунинг учун кўрсатилган юксак эҳтиром учун Эдига миннатдорчилик билдираман", - деди Роналду.
