"Валенсия" клуби сўнгги сонияларда "Реал" ҳужумчиси Мариано Диаз трансфери борасида муваффақиятсизликка учраган. Хабарларга кўра, бу трансферни "Валенсия" устози Хосе Бордалас истаган.
У янги мавсум учун жамоасининг ҳужум чизиғини кучайтиришни режа қилган. Диазнинг агенти Давид Аранда амалга ошмаган трансфер ҳақида шундай дейди:
"Бу трансфер жуда аниқ эди. Диаз 31 август куни "Валенсия"га қўшилиши керак эди. Битим уч томонлама келишиб қўйилган эди. Диаз ҳам янги жамоада ўзини кўришни истаётган эди. Аммо қандайдир нарса сабаб бу битим амалга ошмай қолди".
Мариано Диаз Мадридда янги мавсумда ўз ўйинларини давом эттиради.
