"ПСЖ" раҳбари Леонардо сўзларига кўра, Мбаппе жамоадан кетишни истаган. 22 ёшли футболчи Парижда яна 10 ойлик шартномаси қолди. Ўтган ҳафта "Реал" футболчи учун иккита таклиф юборган эди.
Иккинчи таклиф 220 миллион еврони ташкил этарди. Леонардо эса Мбаппе кетишни исташини ва улар футболчини қайтара олмаслигини айтиб ўтди:
"Мбаппе кетишни истарди, бу менга аён эди. "Реал" у учун таклиф юборди, бу ҳам менга маълум эди. Мен ҳамма учун аниқ бўлган маълумотни айтаман, биз ўз режаларимизни ўзгартира олмас эдик. Айниқса, сўнгги ҳафтада. Агар у учун кетишга ижозат берилганида, биз уни қайтара олмасдик, аммо бу бизнинг шартларимиз ва у ўзгармайди. Бизнинг режамиз уни олиб қолиш эди ва шундай бўлди".
