"PSJ" rahbari Leonardo so‘zlariga ko‘ra, Mbappe jamoadan ketishni istagan. 22 yoshli futbolchi Parijda yana 10 oylik shartnomasi qoldi. O‘tgan hafta "Real" futbolchi uchun ikkita taklif yuborgan edi.
Ikkinchi taklif 220 million yevroni tashkil etardi. Leonardo esa Mbappe ketishni istashini va ular futbolchini qaytara olmasligini aytib o‘tdi:
"Mbappe ketishni istardi, bu menga ayon edi. "Real" u uchun taklif yubordi, bu ham menga ma’lum edi. Men hamma uchun aniq bo‘lgan ma’lumotni aytaman, biz o‘z rejalarimizni o‘zgartira olmas edik. Ayniqsa, so‘nggi haftada. Agar u uchun ketishga ijozat berilganida, biz uni qaytara olmasdik, ammo bu bizning shartlarimiz va u o‘zgarmaydi. Bizning rejamiz uni olib qolish edi va shunday bo‘ldi".
