Ўзбекистон футбол ассоциацияси биринчи вице-президенти Равшан Эрматов Марказий Осиё футбол конфедерациясининг ҳакамлар қўмитаси раиси этиб сайланди.

Куни кеча қўмитанинг онлайн йиғилиши бўлиб ўтди. Унда минтақага аъзо мамлакатлар Эрон, Қирғизистон, Афғонистон, Туркманистон, Тожикистон ва Ўзбекистон мутахассислари иштирок этишди. Конференцияни Равшан Эрматов ҳамда ташкилот бош котиби тожикистонлик Улуғбек Каримов олиб борди ва CAFA томонидан минтақада ҳакамликни ривожлантириш, янги босқичга олиб чиқиш ва мусобақаларда замонавий технологияларни жорий этиш борасида фикрлари билан ўртоқлашди.

Яқин келажакдаги йирик турнирлар бўлмиш октябрь ойидаги U-18 ва ноябрь ойидаги U-15 чемпионатлари, шунингдек, январда ўтказиунча ҳакамларнинг тайинланиши ва замонавий критерийларга мос равишда фаолият олиб бориши айтилди.

Марказий Осиё футбол конфедерацияси томонидан доимий равишда амалий ва назарий курслар ташкил этилиши, ВАР тизими кўникмаларини эгаллаш бўйича машғулотлар, FIFA  ва AFC дастурлари асосда ўқув-йиғинларида иштирок этиши, мунтазам онлайн семинарлар ўтказиш масалалари муҳокама қилинди.