"Манчестер Юнайтед" франциялик ярим ҳимоячиси Поль Погба "Ювентус" ёш футболчиси Брайан Додьеннинг саратон касаллиги билан узоқ давом этган курашидан сўнг 17 ёшида вафот этган оиласига ҳамдардлик билдирди.
"Жуда ачинарли хабар. Мен сизнинг хотирангиз учун дуо қиламан. Яқин инсонидан айрилиш ҳеч қачон осон эмас, лекин мен сизни ҳеч қачон унутмайман. Узоқ вақт касаллик билан курашдингиз, сиз кучли эдингиз. Ҳамма учун ҳақиқий
намунасиз. Салом, менинг кичик дўстим. Тинчланинг, Брайан. Сизни соғинамиз", - деб ёзди Погба твиттердаги саҳифасида.
Брайан 12 ёшида саратон касаллигига чалинган. "Ювентус"нинг собиқ футболчиси Поль Погба ўшанда футболчига "Брайан, мен сен биланман" деган футболкани кийиб, голини бағишлаган. Уч йил ўтгач, Додьен футболга қайтишга муваффақ бўлди. У "Ювентус" U-15 жамоасида ўйнади. Кейинчалик, Додьен касаллик устидан ғалаба қозонганидан сўнг, Погба унга ўз футболкасини совға қилган эди.
