«Ювентус» Пауло Дибала билан янги шартнома борасида келиша олмаяпти.
Il Corriere dello Sport ўз саҳифаларида Дибала учун «кекса синёра»нинг ҳозирги маоши бўйича таклифи бонуслар билан ҳар мавсумда 9 миллион евродан ошмайди, деб хабар беради.
Аргентиналик форвард Маттейс де Лигт даражасида пул ишлашни хоҳламоқда. Голландияликнинг маоши айни дам 8 миллион еврога тенг, лекин бонусли тўловлар ҳисобига у 12 миллионгача кўтарилиши мумкин.
Пауло Дибала 2015 йилнинг ёзидан буён «Ювентус»да ўйнаб келади. 27 ёшли ҳужумчи клуби сафида 256 учрашувда 101 гол ва 42 голли узатма муаллифи бўлган.
