Таниқли британиялик журналист Пирс Морган «Манчестер Юнайтед» ҳужумчиси Криштиану Роналду билан қизиқарли суҳбат ҳақида сўз очди.

«Мен ундан сўрадим: «Сенга қарши ўйнаган энг зўр футболчи ким? — Криштиану қатъият билан жавоб берди: Месси?. Ҳақиқатан ҳам?, мен сўрадим, унинг айтганларига ҳайрон бўлдим.

Роналду: «У рақибларим ичидаги энг яхшиси. Бу каби ўйинчилар ноёб. Лекин Пирс, сиз менга нотўғри савол беряпсиз»

Мен сўрадим: «Хўш, қай бири тўғри?». Криштиану: «Сиз энг яхши футболчи кимлигини сўрашингиз керак эди». «Мен жавобни биламан деб ўйлайман», дедим кулиб. Роналду эса кўз қисди.

У ўзини энг зўри деб ҳисоблайди. Мен ҳам унинг фикрига қўшиламан», деб ёзади Морган Daily Mail газетасига.

Эслатиб ўтамиз, 36 ёшли Роналду фаолияти давомида 5 та «Олтин тўп»ни ютиб олган, 34 ёшли Месси эса 6 марта шундай мукофотни қўлга киритган.