Бугун Дубайда Ўзбекистон ва Кувайт чемпионлари ўртоқлик учрашувида куч синашишади. Бу ҳақда «Бунёдкор» клуби расмий сайти хабар тарқатмоқда.

Мавсумолди тайёргарлик жараёнининг сўнгги босқичини ўтказишаётган «Бунёдкор» ҳамда Қувайтнинг «Ал-Қодисия» жамоалари вакиллари ўртоқлик учрашуви ўтказиш борасида келишиб олишди.

Учрашув Дубайдаги «Jebel Ali» меҳмонхонасига қарашли стадионда маҳаллий вақт билан соат 17:00да (Тошкентда 18:00 бўлади) бошланади.

Хорватиялик Радион Гачанин устозлик қилаётган ушбу клуб Кувайтнинг 14 карра чемпиони ҳисобланади. 13 марта Кувайт Амир кубогида ғолиб чиққан. 3 бор Кувайт футбол федерацияси кубоги соҳиби. 2010 йилги ОФК кубоги финалчиси.

Кувайтликлар юртимиз футбол ишқибозларига яхши таниш. «Ал-Қодисия» жамоаси 2006 ва 2008 йилги Чемпионлар лигасининг гуруҳ босқичида «Пахтакор», 2011 йилги ОФК кубоги доирасида «Шўртан» ҳамда «Насаф» жамоалари билан тўқнаш келишган эди.