«Реал» ярим ҳимоячи Тони Кроос Германия терма жамоасига қайтиши мумкинлиги ҳақидаги саволга жавоб берди. 31 ёшли ярим ҳимоячи ўтган ёзда терма жамоадаги фаолиятини якунлаганини эълон қилганди.
"Умид қиламанки, Ханс-Дитер Флик жамоага қайтиш сўрови билан менга қўнғироқ қилмайди. Биз улар билан кўп мавзуларни муҳокама қилишимиз мумкин, лекин менинг Германия терма жамоасига қайтишимни эмас”, – дейди Кроос Sport1.de нашрига.
Кроос 2010 йилдан 2021 йилгача терма жамоа шарафини ҳимоя қилган. Тони 106 та ўйинда қатнашиб ва 17 та гол урган. Бундестим таркибида ярим ҳимоячи Бразилияда 2014 йили Жаҳон чемпиони бўлган.
