Лондоннинг "Арсенал" клуби раҳбарияти жамоа бош мураббийи Арсен Венгерга ёзги трансфер мавсумида 55 миллион фунт стерлинг миқдорида пул ажратилишини маълум қилди.
Бир қатор қониқарсиз натижалардан сўнг жамоа мухлислари бош мураббий Арсен Венгерга ёзги трансфер мавсумида янги футболчилар олиб келишни талаб қила бошлашганди. Ўз навбатида, бош мураббий ҳам ёзда жамоада тозалаш ишларини олиб боришини ва бир қатор янги футболчиларни таклиф қилиш няти борлигини айтиб ўтган эди.
«Daily Mail» нашрининг маълум қилишича Венгер ёзда жамоага бир қатор янги футболчиларни таклиф қилади. Улар орасида Марио Гётце (Боруссия), Лукас Подольски (Кёльн), Эден Азар (Лилль) ва Матиас Суарес (Андерлехт) каби футболчиларнинг номи тилга олинмоқда.
