Франциянинг "Марсель"клуби бош мураббийи Дидье Дешам "Ювентус" ҳужумчиси Аллесандро дель Пьерони ўз жамоасида кўришга қарши эмаслигини айтди.
"Мен Алекснинг шу кунгача эришган муваффақиятларига катта ҳурмат билан қарайман. Дель Пьеро-туғма истеъдод. У билан бир жамоада тўп сурган ва кейинчалик унга мураббийлик қилганимни фахр билан эслайман, дейди франциялик мураббий.
"Агар у жамоамизга келиб қўшилишни истаса, уни бу ерда қучоқ очиб кутиб оламан",дея Дешамнинг сўзларидан парча келтирмоқда Rai Sport
Дель Пьеронинг агенти футболчида "Марсель" варианти ҳам борлигини айтиб ўтган эди.
Эслатиб ўтамиз, дель Пьеронинг шартномаси шу йилнинг ёзи ойида ўз ниҳоясига етади. Маълумотларга қараганда, "Кекса Синьора" амалдаги шартномани узайтириш ниятида эмас. Шунинг учун ҳам футболчига, дунёнинг турли бурчакларидан таклифлар ёғилмоқда
