«Манчестер Сити»нинг зўрлашда айбланган ҳимоячиси Бенжамин Менди қишгача қамоқда қоладиган бўлди.
«Шаҳарликлар» Александр Зинченко ва Жоао Кансело билан рақобатлаша оладиган янги чап қанот ҳимоячисини топиш ҳақида ўйлашмоқда.
Le Parisien хабарига кўра, Менди иши бўйича суднинг олдинги қарори ўз кучида қолади. Яъни, 27 ёшли футболчи 2022 йил 24 январга белгиланган навбатдаги суд мажлисигача озодликка чиқарилмайди.
Ушбу иш бўйича навбатдаги суд мажлиси икки ойдан кейин - 15 ноябрда бўлиб ўтади.
Эслатиб ўтамиз, Менди 27 августда ҳибсга олинган эди. У жинсий зўравонликда айбланган.
