"Челси" ҳамда "Тоттенхем" клублари Нидерландия чемпионати вакили "Аякс"нинг ёш футболчиси Юриен Тимберга қизиқиш билдирмоқда. Хабарларга кўра, ҳар икки клуб ҳам 20 ёшли ҳимоячини жиддий кузтувга олган.
Тимбер ўтган йили ўз жамоасига мамлакат чемпионлигини қўлга киритишда ёрдам берган. У шу йилнинг бошида Нидерландия терма жамоасига жалб қилинган ва ҳозиргача 6 та учрашув ўтказган.
Тимбернинг клуби билан амалдаги шартномаси 2024 йилгача мўлжалланган. Футболчи учун ўзга чемпионатлар вакиллари жумладан: "ПСЖ", "Лион", "Монако", "Дортмунд" ҳамда "Лейпзиг" ҳам қизиқиш билан қарамоқда.
