Франциялик ҳужумчи Николя Анелькани таркибига қўшиб олган Хитойнинг «Шанхай Шэньхуа» клуби Туркия терма жамоаси вакили Эмре Белозўғлуни ўз сафига қўшиб олиш ҳаракатини бошлаб юборди.
«Milliyet» газетасининг хабарига кўра, 4-2 ҳисобида якунига етган «Фенербахче»-«Сивасспор» клублари ўртасидаги ўйинда 2 та гол киритиб, ғалабага катта ҳисса қўшган футболчи хитойликлардан расмий таклиф олди. Ушбу мавсум Истанбул клуби билан шартномаси тугайдиган футболчига шунингдек, «Атлетико» (Мадрид), «Астон Вилла» ва «Бенфика» клублари ҳам қизиқиш билдирмоқда.
Лекин улар орасида Жан Тигана мураббийлигидаги «Шанхай Шэньхуа»нинг таклифи бир мунча салмоқли. Клуб футболчи учун 3,3 миллион евродан воз кечишга тайёр.
