"Челси" устози Томас Тухель нима учун Жюль Кунде трансфери борасида муваффақиясизликка учралгани ҳақида фикр билдириб ўтди. У "Evening Standart" нашрига шундай дейди:
"Ҳаммага маълумки, биз ёзда Кунде ҳамда Саулни қўлга киритишга ҳаракат қилдик. Аммо Кунде учун жуда кеч бўлганини билдик. Шундай бўлсада, бу жуда ҳам яхши трансферлар ойнаси бўлди. Чунки мен бу вақт давомида бутунлай жамоам билан шуғулланишга вақт топа олдим. Мамнуният билан шуни маълум қиламанки, биз таркибдаги ҳар қайси ўрин учун тўла ечим топа олдик. Гарчанд биз жамоага Кундени келтира олмаган бўлсакда, мен таркибдан кўнглим тўлди. Биз қўлимиздаги имкониятлардан тўғри фойдаланишга бел боғлаганмиз. Умид қиламанки, улгурмаган режаларимиз яқин келажакда амалга ошади".
Аввалроқ "Челси" "Атлетико"дан Саул Нигезни ижарага олгани ҳақида хабар қилинган эди.
