Испания Ла лигаси президенти Хавьер Тебас Мессининг кетишини олдини олиш мумкин эди деб ҳисоблайди. У "SPORT" нашрига берган интервьюсида шундай дейди:
"Балки Мессининг кетиши энг аламли ва ачинарлиси бўлгандир. Ҳархолда, мен шундай деб ўйлайман. Чунки мен уни тарихдаги энг яхши футболчи деб биламан. У бундай аянчли тарзда кетишга лойиқ эмас эди. Бу нафақат клуб учун, балки лигамиз учун ҳам катта йўқотиш бўлди".
Тебасдан Мессининг кетишини олдини олиш мумкинмиди деб сўралганида қуйидагича жавоб берди:
"Ҳа, албатта. Мен бу борада бир нарсага аминманки, унинг кетиши фақатгина молиявий масалалар билан боғлиқ эмас. Унинг кетиши бундай бўлмаслиги керак эди, буни олдини олиш мумкин эди".
Аввалоқ Мессининг кетиши "Барса"га йиллик 200 миллион евро зарар келтириши мумкинлиги ҳақида хабар қилинган эди.
