Италия чемпионатининг 3-туридан ўрин олган бир қатор учрашувлар 12 сентябрь, якшанба куни бўлиб ўтди.

«Рома» ўз майдонида «Сассуоло»ни қабул қилди. Учрашувнинг 37-дақиқасида Брайан Кристанте «Рома»нинг дастлабки голини урди. 57-дақиқада Филип Журичич ҳисобни тенглаштирди.

Элдор Шомуродов 74-дақиқада захирадан майдонга тушди. Ҳакам томонидан қўшиб берилган вақтда Шомуродовнинг узатмасидан кейин Стефан аш-Шааравий римликларнинг ғалаба тўпини киритди.

3-турдан кейин «Рома» клуби 9 очко тўплаган ҳолда «Милан» ва «Наполи» билан бирга пешқадамлик қилмоқда.

А серия. 3-тур
12 сентябрь, якшанба
«Рома» — «Сассуоло» 2:1
Голлар: 1:0 – 37 Кристанте, 1:1 – 57 Журичич, 2:1 – 90+1 аш-Шаарави.
«Рома»: Руй Патрисиу, Карсдорп (Рейнолдс, 89), Манчини, Рожер, Виня, Мхитарян (аш-Шаарави, 70), Верету (Карлес Перес, 74), Кристанте, Пеллегрини, Заниоло (Шомуродов, 74), Абраҳам.
«Сассуоло»: Консилйи, Толян, Кирикеш, Ferrari, Рожерио, Журичич (Траоре, 84), Лопес, Бога (Кирьякопулос, 89), Фраттези (Айхан, 84), Берарди (Дефрел, 77), Распадори (Скамакка, 46).
Огоҳлантиришлар: Кирикеш (36), Рожер (43), Кристанте (66).