Бир вақтлар "Манчестер Юнайтед"да Криштиану Роналду билан бир жамоада ўйнаган Гарри Невилл португалиялик футболчини Лионель Мессидан устун деб атади.
Собиқ футболчи Sky Sports нашрига берган интервьюсида Роналдуни Мессидан кўра мукаммал футболчи деб ҳисоблашининг сабабларини айтди.
Невиллнинг таъкидлашича, биринчидан, Криштиану бош, зарба ва пенальти каби компонентларда анча кучли. Иккинчидан, у Португалия терма жамоаси ва клуби сафида кўп гол урган ва ушбу голлар орқали ўзи ўйнаган жамоаларни аргентиналикидан кўра юқори даражага кўтарганини таъкидлади.
"Шубҳасиз, Лео ҳам ақл бовар қилмас, лекин Роналду - барча даврларнинг энг зўр ўйинчиси", - деб қўшимча қилади Невилл.