"Челси" ҳужумчиси Тимо Вернер Германия чемпионатига қайтиши мумкин, деб хабар беради Football Insider нашри.
Манбанинг хабарига кўра, "Бавария" 25 ёшли германиялик футболчини 2022 йилнинг январ ойида сотиб олишга ҳаракат қилиб кўради. Аввалроқ, лондонликлар Вернерни Лерой Санега алмаштирмоқчи экани ҳақида хабар берилганди. Бироқ, бу таклиф немис клубига ёқмади ва ушбу сўровга рад жавобини берди.
Ўтган мавсумда Вернер "Челси" сафида 52 та ўйинда майдонга тушиб, 12 та гол ва 15 та голли узатмани амалга оширган.
Трансфермаркт портали футболчининг қийматини 65 миллион еврога баҳоламоқда.
