"Ювентус" футболчиси Пауло Дибала клуб билан шартномаси ҳақида гапирди. Бу ҳақда Фабрицио Романо ёзмоқда. Унда шундай дейилади:
"Умид қиламанки, "Ювентус" билан тез орада янги шартнома имзолашга муяссар бўламан. Клуб ҳам мен ҳам шуни истаймиз. Шундай экан, бунга ишонаман. Биз ёзда янги музокараларга киришган эдик. Мен Туринда қолишни хоҳлайман ва бу борада келаётган ҳафтада масъуллар билан учрашув ўтказилади".
Дибала 2015 йилдан бери Турин клуби шарафини ҳимоя қилиб келади. У бу давр мобайнида 182 марта майдонга тушган ва 73 та голга муаллифлик қилган.
