Европа чемпионлар лигаси доирасида ўтказилган «Янг Бойз» – «Манчестер Юнайтед» учрашувида стадион ходими сифатида ишлаган ўз ҳиссиётлари билан ўртоқлашди.

Эслатиб ўтамиз, ўйиндан олдинги чигилёзди машғулоти пайтида Криштиану Роналду тепган тўп аёлнинг бошига тегишига оқибатида у ерга йиқилди. Португалиялик футболчи дарҳол унинг ёнига келди ва аҳволидан хабар олди.

«Тўп бошимга текканида кучли зарбани ҳис қилдим. Бошим айланиб ерга йиқилдим.

Кейин эса тепамда Роналду турганини кўрдим. «Худойим, мен ўлдимми?», дедим. У эса: «Йўқ, йўқ. Узр сўрайман. Аҳволингиз яхшими?», деди.

Оғриқ кучли бўлди. Ўзимда эмасдим. Роналдуни кўрганимдан кейин эса оғриқ ўтиб кетди», – деди стюард-аёл.

Ўйин якунланганидан кейин Криштиану «Стад де Сюисс» стадионида ишлаган аёлга ўз футболкасини совға қилди.