Лондон олимпиадаси учун давом этаётган саралаш босқичининг Осиё минтақасида 5-турдан сўнг биринчи йўлланма эгаси маълум бўлди.

А гуруҳида мусобақаларда қатнашаётган Жанубий Корея терма жамоаси гуруҳдаги энг яқин таъқибчиси Уммон олимпия терма жамоаси меҳмони бўлиб йирик ҳисобда ғалаба қозониб олимпиада йўлланмасини қўлга киритди.

Қатар эса Уммонинг ғалабасидан унумли фойдаланиб Саудия Арабистони олимпиячиларини ўз уйида мағлуб этди ва орадаги фарқни минимумгача қисқартира олди. Сўнгги Уммон мусобақа билан амалда хайрлашиб бўлган Саудия меҳмони бўлса, Қатар амалда барча масалани ҳал қилиб бўлган кореяликлар уйига сафар уюштиради.

УММОН - ЖАНУБИЙ КОРЕЯ - 0:3 (0:1)
Голлар: Хе Нам Тэ (1), Сунг Ким Хюнг (67), Донг Бэк Сунг (71).

ҚАТАР - САУДИЯ АРАБИСТОНИ - 2:1 (1:1)
Голлар: Ал Ҳайдос (44), Нобил (78) - Волибий (12-пeн).

Шунингдек С гуруҳидан ўрин олган икки учрашув ҳам бугун бўлиб ўтди. Бу гараҳда ҳам Япония деярли Лондон чиптасини нақд қилиб бўлди. Баҳрайнга имкониятни бой берган Сурия имкониятларини анча пасайтириб юборди. Энди фақат мўжизагина гуруҳ ғолибини алмаштириши мумкин.

Эслатиб ўтамиз, сўнгги турда Сурия Малайзияни ўз уйида қабул қилса, Баҳрайн Япония меҳмони бўлади.

МАЛАЙЗИЯ - ЯПОНИЯ - 0:4 (0:2)
Голлар: Сакаи (35), Осако (44), Харагучи (55), Саито (60)

БАҲРАЙН - СУРИЯ - 2:1

Гуруҳдаги вазият: 1. Япония (12 очко, +8 тўплар нисбати), 2. Сурия (9, +3), 3. Баҳрайн (9, -1), 4. Малайзия (0, -13).