Бироз олдин Ла Лига 6-туридан ўрин олган "Хетафе" - "Атлетико Мадрид" баҳси ўз якунига етди. Учрашувда "матрасчилар" иродали ғалабани қўлга киритди. 

1:2 ҳисобида якунланган баҳсда дастлаб Стефан Митрович 45-дақиқада ҳисобни очди. Кейинчалик Луис Суарес 78 ва 90 дақиқаларда гол уриб жамоасига ғалабани таъминлади. 

Шундай қилиб, "Атлетико" ўз ҳисобига яна бир 3 очкони ёздириб қўйди. Натижада 14 очко жамғарган "матрасчилар" онлайн турнир жадвалида биринчи поғонани банд этиб туришибди.

"Хетафе" – "Атлетико" - 1:2 (1:0)

Голлар: Митрович, 45 - 1:0, Суарес, 78 - 1:1, Суарес, 90+1 - 1:2

"Хетафе": Сория, Иглесиас, Митрович, Джене, Куэнка, Оливера, Максимович, Аленья, Флорентину, Мата (Сильва, 78), Масиас (Унал, 67).

"Атлетико": Облак, Триппьер (Эрмосо, 62), Савич, Хименес, Лоди (де Пауль, 63), Эррера (Врсалько, 84), Карраско, Льоренте, Суарес, Гризманн (Матеус Кунья, 67), Корреа.