«Барселона» бош мураббийи Роналд Куман Ла лиганинг 6-туридан ўрин олган «Кадис»га қарши учрашувдан ташкил этилган матбуот анжуманида тайёрлаб келган матнни ўқиб берди.

Шундан сўнг мутахассис журналистларнинг саволларига жавоб бермасдан матбуот анжумани залини тарк этди.

«Менинг бошқарувимдаги клуб тикланиш жараёнини бошдан кечирмоқда. Натижалар эса молиявий аҳволга боғлиқ.

Демак, клуб ва жамоа катта пул тикмасдан туриб вазиятга мослашиши керак. Бунинг учун эса вақт талаб этилади. Ёш иқтидор эгалари икки йилдан кейин жаҳон даражасидаги юлдузга айланиши мумкин. Ёш футболчиларда Хави ва Иньеста каби имконият мавжуд, аммо сабр-тоқат талаб этилади.

Ла лига жадвалида юқори поғоналарда қолиш муваффақият ҳисобланади. Чемпионлар лигасида эса мўжиза кутиш керак эмас. Европада ўйнаш — катта тажриба. «Бавария»дан қабул қилинган мағлубиятга шу нуқтаи назардан ёндашиш лозим.

Ҳозирги пайтда биз қўллаб-қувватлашга муҳтожмиз. Биз амалга ошираётган жараённи қўллаб-қувватланг. Матбуот биздаги жараённи тан олади, буни биламан. Бундан ҳолат тарихимизда илк марта содир бўлаётгани йўқ. Қийин паллада сизнинг қўллаб-қувватлашингизга муҳтожмиз.

Жамоа сифатида биз мухлисларнинг қўллаб-қувватлашидан қониқиш ҳосил қиляпмиз», – деди Куман.