Тьерри Анри «Барселона» бош мураббийлиги учун асосий даъвогарлардан бирига айланди, дея хабар беради Mundo Deportivo.
Нашр маълумотларига кўра, «кўк-анорранглилар» раҳбарияти жамоани унинг собиқ ўйинчисига ишониб топширмоқчи. Шу муносабат билан француз ва Хави номзодлари кўриб чиқилмоқда.
Шунингдек, жамоа қисқа рўйхатидан Бельгия терма жамоасининг амалдаги мураббийи Роберто Мартинес ҳам ўрин олган.
Эслатиб ўтамиз, «Барса»нинг амалдаги мураббийи Рональд Куманнинг клуб билан шартномаси 2022 йилнинг ёзига қадар тузилган.
Маълумот учун, Анри футболчи сифатида 2007 йилдан 2010 йилгача бўлган муддатда каталонияликлар шарафини ҳимоя қилган. Фаолиятини тугатгандан сўнг, у мураббий сифатида «Арсенал» ва Бельгия терма жамоаси штабида ишлади.
