Литвадаги ҳолатни айтиб ўтишим керак. Ўйиндан кейин ташкилотчилар, ФИФА вакиллари, кўп нейтрал инсонлар келиб бизга ўйин учун раҳмат деб кетишди. Чемпионатнинг энг ёрқин ўйини шу бўлди деб бир овоздан айтишди.
Энг драматик ва иродали жамоа эса Ўзбекистон. Учрашув комиссари ҳам баҳсни фантастик ўтганини эътироф этди. Шу ҳолатлар сал бўлса ҳам жамоамизга мағлубиятдан кейин далда бўлди.
Биз ҳам ўз навбатида Литвага ва турнир ташкилотчиларига миннатдорчилик билдириб кетдик. Муносиб рақобатчимиз Эронга эса Жаҳон чемпионатининг кейинги ўйинида омад тиладик.
Даврон Файзиев.
