“Ливерпуль” клуби футболчилари – Трент Александер-Арнольд ва ҳужумчи Роберто Фирмино жароҳатларидан тикланиб, жамоавий машғулотларга қайтди.

Мерсисайдликлар бош мураббийи Юрген Клопп шогирдларининг ҳолати ҳақида маълумот берди. Унинг таъкидлашича, футболчилар АПЛнинг 6-туридан ўрин олган “Брентфорд”га қарши баҳсда майдонга тушишлари мумкин.

Маълумот учун, Фирмино 3-турдан ўрин олган “Челси”га қарши ўйинда жароҳат олиб, сафдан чиққан эди. Шундан сўнг, у 4 та баҳсни ўтказиб юборди. Трент эса сўнгги 2 ўйинда майдонга тушмади.

“Брентфорд” – “Ливерпуль” баҳси бугун, 25 сентябрь куни бўлиб ўтади.