«Тоттенхэм» дарвозабони ва сардори Уго Льорис «Арсенал»га қарши ўйин олдидан ўз фикрлари билан ўртоқлашди. У дерби ўйини лигадаги ўринлар учун эмас, шараф учун кечадиган баҳс бўлишини айтиб ўтди:
«Биз »Челси«га қарши баҳсда англаддикки, улар биздан кучлироқ жамоа бўлган. Биз ҳалиям яхшироқ ривожланиш йўлини қидирмоқдамиз. Тракибимиз ёмон эмас, аммо буни амалда исбот қилишимиз керак. Агар ўз ўйинингизни намойиш эта олмасангиз, сизни ишонч тарк этади. Лекин эртанги ўйинни ютишимиз шарт. Ҳозирги вазиятда ҳар икки томон ҳам натижа нуқтайи назаридан изчиликка эга бўлишни хоҳлайди. Лекин дерби бу дерби. Бу лигадаги ўрин учун эмас, жамоалар шарафи учун кечадиган жанг бўлади. Буни биз ҳам мухлисларимиз ҳам жуда яхши билишади».
Эслатиб ўтамиз, «Арсенал» ва «Тоттенхэм» ўртасидаги баҳс бугун Тошкент вақти билан соат 20:30да старт олади. Ўйинни «Футбол ТВ» телеканали жонли эфирда намойиш этиши белгиланган.
