«Tottenxem» darvozaboni va sardori Ugo Lyoris «Arsenal»ga qarshi o‘yin oldidan o‘z fikrlari bilan o‘rtoqlashdi. U derbi o‘yini ligadagi o‘rinlar uchun emas, sharaf uchun kechadigan bahs bo‘lishini aytib o‘tdi:
«Biz »Chelsi«ga qarshi bahsda angladdikki, ular bizdan kuchliroq jamoa bo‘lgan. Biz haliyam yaxshiroq rivojlanish yo‘lini qidirmoqdamiz. Trakibimiz yomon emas, ammo buni amalda isbot qilishimiz kerak. Agar o‘z o‘yiningizni namoyish eta olmasangiz, sizni ishonch tark etadi. Lekin ertangi o‘yinni yutishimiz shart. Hozirgi vaziyatda har ikki tomon ham natija nuqtayi nazaridan izchilikka ega bo‘lishni xohlaydi. Lekin derbi bu derbi. Bu ligadagi o‘rin uchun emas, jamoalar sharafi uchun kechadigan jang bo‘ladi. Buni biz ham muxlislarimiz ham juda yaxshi bilishadi».
Eslatib o‘tamiz, «Arsenal» va «Tottenxem» o‘rtasidagi bahs bugun Toshkent vaqti bilan soat 20:30da start oladi. O‘yinni «Futbol TV» telekanali jonli efirda namoyish etishi belgilangan.
